Requirement

REQUIREMENT

• တက္ကသိုလ်တစ်ခုခုမှ ဘွဲ့တစ်ခုခုရရှိပြီးသူ ဖြစ်ရပါမည်။
• အသက် (၂၀)နှစ်မှ (၂၈)နှစ်အတွင်း ဖြစ်ရပါမည်။
• ရေရှည်လက်တွဲ၍ အလုပ်လုပ်နိုင်သူ၊ အရောင်းလုပ်ငန်းအား စိတ်ဝင်စားသူများ လျှောက်ထားသင့်ပါသည်။
• ရုပ်ရည်သင့်တင့်သူ၊ စကားပြောပြေပြစ်ပြီး သွက်လက်ချက်ချာစွာ ဆောင်ရွက်တတ်သူ၊ ရိုးသားသူ ဖြစ်ရပါမည်။
• မိမိ၏အကျင့်စာရိတ္တနှင့် ပတ်သက်၍ မိဘ/အုပ်ထိန်းသူမှ အာမခံချက်ပေးနိုင်သူ ဖြစ်ရပါမည်။

(လုပ်ငန်းအတွေ့အကြုံ မရှိသေးသူများလည်း လျှောက်ထားနိုင်ပါသည်။)

Job Description

DUTIES AND RESPONSIBILITIES

• လစဉ် မိမိတို့အရောင်းဆိုင်အား ပေးအပ်ထားသော အရောင်းရည်မှန်းချက်များ ပြည့်မီရေး အတွက်ဆောင်ရွက်ရပါမည်။
• ဝယ်သူဖောက်သည်များအား ကောင်းမွန်စွာဆက်ဆံခြင်း၊ စိတ်ကျေနပ်စေရေးအတွက် ဝန်ဆောင်မှုပေးရမည်ဖြစ်ပါသည်။
• ဝယ်သူဖောက်သည်များအား လက်ဝတ်ရတနာထည်များအကြောင်း ရှင်းပြခြင်း၊ သိလိုသည်များကို ဖြေကြားခြင်း၊ ဆိုင်၏ဝန်ဆောင်မှုများကို ပြောကြားခြင်းများကိုဆောင်ရွက်ရမည်။
• ဝယ်သူဖောက်သည်များ၏ လိုအပ်ချက်ကိုသေချာနားထောင်ပြီး ကူညီဆောင်ရွက် ရောင်းချရမည်။
• ဝယ်သူဖောက်သည်များ၏ ဝယ်ယူပြီးသည့် ကုန်ပစ္စည်းများကိုပို့ဆောင်ရန်လိုအပ်ပါက ပို့ဆောင်ပေးရန် ညှိနှိုင်းဆောင်ရွက် ပေးရမည်။
• ဝယ်သူဖောက်သည်များ ဝယ်ယူပြီးသော လက်ဝတ်ရတနာထည်များ အဆင်ပြေမှုရှိ/မရှိ ဖုန်းဆက်မေးမြန်းရမည်။
• ဆိုင်တွင်းဆိုင်ပြင် သန့်ရှင်းသပ်ရပ်စေရေးအတွက် လုပ်ဆောင်ရပါမည်။ ခင်းကျင်းပြသထားသော ပစ္စည်းများ သန့်ရှင်း သပ်ရပ်ပြီး စနစ်တကျရှိစေရန် လုပ်ဆောင်ရပါမည်။
• ဆိုင်တာဝန်ခံ/အထက်လူကြီးများက ပေးအပ်သောတာဝန်များကို ကျေပွန်စွာထမ်းဆောင်ရပါမည်။ လုပ်ငန်းလိုအပ်ချက်အရ အရောင်းဆိုင်နှင့် ပက်သက်သော ကိစ္စရပ်များကို ပါဝင်ကူညီလုပ်ဆောင်ရမည်။
• အခါအားလျော်စွာပြုလုပ်သော အရောင်းမြှင့်တင်ရေးအစီအစဉ်များတွင် အရောင်း၊ ခင်းကျင်းမှု၊ ကြော်ငြာခြင်းများတွင် တက်ကြွစွာပါဝင်ရမည်။
• ရောင်းချသောကုန်ပစ္စည်းများနှင့် ပတ်သက်ပြီး ဗဟုသုတ(Product Knowledge)များကိုသိရှိ လေ့လာသင်ယူရမည်။
  (အထက်ဖော်ပြပါ အလုပ်တာဝန်များသည် ရည်ညွှန်းချက်တစ်ရပ်သာဖြစ်ပြီး လုပ်ဆောင်ရမည့်အလုပ်တာဝန်အားလုံး ပါဝင်သည်ဟု မဆို နိုင်ပါ။)